Cathetan Ringkes
Ukara yaiku rerangkening tembung kang bisa madeg dhewe lan duweni teges jangkep.
Jinis-jinise ukara
- Ukara andharan utawa pawarta, yaiku ukara sing isine menehi weruh sawijine babagan marang wong liya. Titikane: intonasi-ne dhatar lan dipungkasi tandha titik.
- Ukara pitakon, yaiku ukara kang isine arupa pitakonan ngenani sawijine babagan marang liyan. Titikane: nggunakake intonasi pitakon (banter/munggah) lan tembung pitakon (apa, sapa, kenapa, geneya, kapan, piye).
- Ukara pangajak, yaiku ukara sing isine ngajak wong liya supaya gelem nindakake sawijine babagan. Titikane: nggunakake tandha seru.
- Ukara pakon, yaiku ukara kang isine akon wong liya supaya nindakake sawijine babagan. Titikane: nggunakake tandha seru.
Sing perlu digatekake, yaiku antarane ukara pangajak lan pakon iku kekarone padha dene dipungkasi nganggo tandha seru.
Ing kagiyatan iki awakmu dijak mangerteni sawatara ukara. Gatekna tuladha ukara-ukara ing ngisor iki.
1. Jaman biyen sakehing kewan padha urip guyub rukun ing satengahe alas.
2. Ing sawijine dina, kewan Banyak gegojegan karo Macan.
3. Hei Macan, geneya kowe ngguyu lakak-lakak?
4. Ing wengi mengko arep mapan turu ing ngendi?
5. Sesuk apa sing bakal dipangan?
Tuladha nomer 1 lan 2 iku mujudake ukara andharan/pawarta.
Tuladha nomer 3, 4, lan 5 iku mujudake ukara pitakon
Dene tuladha nomer 6 lan 7 mujudake tuladhane ukara pangajak.
